‘ऑपरेशन सिंदूर’मधील बलिदान देणाऱ्या ‘त्या’ सहा हुतात्म्यांची नावे प्रथमच जाहीर!

नवी दिल्ली : ‘ऑप रेशन सिंदूर’दरम्यान शौर्याने लढत देशासाठी सर्वोच्च बलिदान देणाऱ्या सहा हुतात्मा जवानांची नावे प्रथमच अधिकृतपणे जाहीर करण्यात आली आहेत. या जवानांनी मोहिमेदरम्यान अत्यंत धाडसी कामगिरी बजावत प्राणांची आहुती दिली होती. त्यांच्या शौर्याचा गौरव म्हणून केंद्र सरकारने विविध शौर्य पुरस्कारांची घोषणा केली आहे. रायफलमॅन सुनील कुमार यांना मरणोत्तर ‘वीर चक्र’ प्रदान करण्यात आले असून, भारतीय हवाई दलातील सार्जंट सुरेंद्र कुमार यांना ‘वायु पदक’ देऊन सन्मानित करण्यात आले आहे. देशासाठी प्राणार्पण करणाऱ्या या हुतात्म्यांमध्ये सुभेदार मेजर पवन कुमार, रायफलमॅन सुनील कुमार, लान्स नायक दिनेश कुमार, अग्निवीर मूळ मुरली नायक, हवालदार सुनील कुमार सिंह आणि सार्जंट सुरेंद्र कुमार यांचा समावेश आहे. या सर्व जवानांनी विविध आघाड्यांवर कार्यरत राहून मोहिमेत महत्त्वाची भूमिका बजावली होती. सुभेदार मेजर पवन कुमार हे दहाव्या पायदळ ब्रिगेड मुख्यालयात, रायफलमॅन सुनील कुमार हे चौथ्या जम्मू-काश्मीर लाइट इन्फंट्रीमध्ये, लान्स नायक दिनेश कुमार हे पाचव्या क्षेत्रीय तोफखाना दलात, अग्निवीर मूळ मुरली नायक हे ८५१ व्या लाइट रेजिमेंटमध्ये, हवालदार सुनील कुमार सिंह हे २३७ व्या क्षेत्रीय कार्यशाळेत, तर सार्जंट सुरेंद्र कुमार हे भारतीय हवाई दलाच्या ३९ व्या विंगमध्ये कार्यरत होते. या जवानांच्या शौर्याची अधिकृत नोंद राष्ट्रीय युद्ध स्मारकाच्या संकेतस्थळावर करण्यात आली असून, ‘त्याग चक्र’मधील विशेष विटेवरही त्यांची नावे कोरली जाणार आहेत.

राष्ट्रपती द्रौपदी मुर्मू यांच्या हस्ते रायफलमॅन सुनील कुमार यांच्या कुटुंबीयांना मरणोत्तर ‘वीर चक्र’ प्रदान करण्यात आले. या सन्मानाद्वारे त्यांच्या अद्वितीय शौर्याला आणि सर्वोच्च बलिदानाला राष्ट्राने अभिवादन केले आहे. ‘ऑपरेशन सिंदूर’दरम्यान भारतीय सशस्त्र दलाने दहशतवादी तळांवर अचूक कारवाई करत महत्त्वाची मोहीम यशस्वीरीत्या पूर्ण केली होती. या कारवाईत अनेक दहशतवादी तळ उद्ध्वस्त करण्यात आल्याचा दावा करण्यात आला होता. त्यानंतर भारत आणि पाकिस्तान यांच्यात शस्त्रसंधी लागू झाली. या संपूर्ण मोहिमेत देशासाठी प्राणांची आहुती देणाऱ्या जवानांचे योगदान राष्ट्रासाठी कायम स्मरणात राहील, असा भाव विविध स्तरांतून व्यक्त केला जात आहे. त्यांच्या शौर्याचा गौरव म्हणून जाहीर करण्यात आलेले पुरस्कार आणि राष्ट्रीय युद्ध स्मारकावर होणारी त्यांची नोंद ही भावी पिढ्यांसाठी प्रेरणादायी ठरणार असल्याचेही मानले जात आहे.

देशासाठी प्राण गमावणाऱ्या त्या सहा नौदल सैनिकांची नावे खालीलप्रमाणे आहेत:

1. कमांडर वसंत एल. गुप्ता (कमांडिंग ऑफिसर)
2. लेफ्टनंट कमांडर राजिंदर सिंग
3. लेफ्टनंट सुकमाल दत्ता
4. पीटी ऑफिसर (ME) के. व्ही. जोसेफ
5. मेकॅनिक (ME) एस. सी. शर्मा
6. सीमन (UC-2) बी. बी. सिंग