मुंबई : सीएसएमटी ते ठाणे दरम्यान फलाटांचे रुंदीकरण आणि विस्तारीकरण करण्यात येत आहे. यासाठी ३१ मे ते २ जूनपर्यंत तीन दिवसांचा मेगाब्लॉक जाहीर करण्यात आला आहे. याचा लोकल सेवेवर परिणाम होणार आहे. रेल्वे प्रवाशांची गैरसोय होऊ नये, यासाठी बेस्ट उपक्रमाने शुक्रवारी, तसेच शनिवारी मध्यरात्री साडे बारा वाजल्यापासून रविवार दुपारी साडे बारा वाजेपर्यंत नियमित बस फेऱ्यांव्यतिरिक्त अतिरिक्त बस फेऱ्या चालवण्याचा निर्णय घेतला आहे. अतिरिक्त ५५ बसच्या ४८६ फेऱ्या चालवण्यात येणार असल्याची माहिती बेस्ट उपक्रमाने दिली.
ब्लॉकमुळे राज्य परिवहन (एसटी) महामंडळाने मुंबईतील कुर्ला नेहरूनगर, परळ आणि दादर स्थानकातून ठाणेसाठी ५० जादा गाड्या चालवण्याचा निर्णय घेतला आहे. सध्या मुंबई आगारातील २६ आणि ठाणे आगारातून २४ गाड्यांचे नियोजन करण्यात आले आहे. प्रवासी मागणी लक्षात घेता यात आवश्यकतेनूसार वाढ करण्यात येणार आहे. प्रवाशांना मार्गदर्शनासाठी ठाणे आणि मुंबई आगारात अतिरिक्त कर्मचारी नियुक्त करण्यात येणार आहेत, अशी माहिती एसटी महामंडळाच्या वाहतूक विभागाचे उपमहाव्यवस्थापक चेतन हसबनीस यांनी दिली.
१ जून रात्री साडे बारा ते २ जून दुपारी १२.३० वाजेपर्यंत सेवा
बसमार्ग क्र. १ सीएसएमटी ते दादर स्थानक पूर्व
बसमार्ग क्र. २ लिमिटेड- कुलाबा आगार ते भायखळा स्थानक पश्चिम
एसी बस क्र. १० कुलाबा आगार ते वडाळा स्थानक पश्चिम
– एकूण १२ बसच्या २३२ फेऱ्या
३१ मे, १ जून ते २ जून दुपारी साडे तीन वाजेपर्यंत सेवा
बसमार्ग क्र. एसी १० कुलाबा आगार ते वडाळा स्थानक पश्चिम
बसमार्ग क्र. ११ लि. सीएसएमटी ते धारावी आगार
बसमार्ग क्र. १२ डॉ. श्यामा प्रसाद मुखर्जी चौक ते प्रतीक्षानगर
बसमार्ग क्र. ए ४५ बॅकबे आगार ते एमएमआरडीए वसाहत, माहुल
बसमार्ग क्र. १ कुलाबा आगार ते खोदादाद सर्कल
बसमार्ग क्र. २ लि. सीएसएमटी ते भायखळा स्थानक पश्चिम
बसमार्ग क्र. सी ४२ राणी लक्ष्मी चौक ते दादलानी पार्क
बसमार्ग क्र. २ लि. सीएसएमटी ते भायखळा स्थानक पश्चिम
बसमार्ग क्र. ए-१७४ अँन्टॉप हिल ते वीर कोतवाल उद्यान (प्लाझा)
एकूण ४३ बसच्या २५४ बसफेऱ्या
