मुंबई : मुंबईतील धूळ प्रदूषण रोखण्यासाठी मुंबई महापालिकेकडून पुन्हा एकदा रस्ते धुण्याचा पर्याय निवडण्यात आला आहे. नोव्हेंबरपासून या कामाला सुरुवात करण्याचे नियोजन मुंबई महापालिकेने केले आहे. त्यासाठी पाण्याचे १०६ टँकर तीन महिन्यांसाठी भाडेतत्त्वावर घेण्याचा निर्णय घेण्यात आला आहे. प्रदूषणाची तीव्रता पाहून पुढे त्याचा विस्तार करण्याबाबत निर्णय होणार आहे. मुंबईतील हवेची गुणवत्ता सन २०२३ पासून सातत्याने खालावत चालल्याने धूळ प्रदूषण रोखण्यासाठी मुंबई महापालिकेने विविध उपाययोजना करण्यास सुरुवात केली होती. महापालिकेने ऑक्टोबर २०२३ मध्ये एक परिपत्रक जारी करून मुंबईतील बांधकाम स्थळांवर प्रदूषण नियंत्रण उपायांची अंमलबजावणी करण्याचे आदेश दिले होते. मुंबईतील रस्त्यांवरही पाणी फवारणी करण्यास सुरुवात केली. सर्व २४ वॉडाँमध्ये ६० फुटांपेक्षा अधिक रुंदीचे रस्ते आणि वर्दळीच्या पदपथांची स्वच्छता आणि धुलाई करण्यास सुरुवात केली होती. यंदाही महापालिकेने प्रदूषण रोखण्यासाठी तीन महिन्यांसाठी पाण्याचे टैंकर भाडेतत्त्वावर घेण्याचा निर्णय घेतला आहे. त्यासाठीची प्रक्रिया पूर्ण होत आली असून १ नोव्हेंबरपासून रस्ते धुलाईची कामे या टँकरमार्फत होतील, असे सांगण्यात आले. पाण्याचे १०६ टैंकर घेतल्यानंतर, त्यांच्या दररोज २१२ फेऱ्या होणार आहेत. पाच हजार लिटर आणि नऊ हजार लिटर क्षमतेचे हे। टैंकर असतील. पाच हजार लिटर क्षमतेच्या टँकरच्या ६७ पाळ्यांमध्ये १३४ फेऱ्या, तर नऊ हजार लिटर क्षमतेच्या टँकरच्या ३९ पाळ्यांमध्ये ७८ फेऱ्या होणार आहेत.
मुंबई महापालिकेच्या पर्यावरण विभागात सध्या मनुष्यबळाची कमतरता आहे. ही पाहता पर्यावरण विभागाने महापालिकेच्या २४ वॉडांमध्ये प्रत्येकी एक उपअभियंता नियुक्त करण्याचा निर्णय घेतला आहे. मुंबईत मोठ्या प्रमाणावर सुरू असलेली विकासकामे, बांधकामे, वाहनांची वाढती संख्या यांमुळे हवेची गुणवत्ता खालावते. धूळ नियंत्रित आणि उपाययोजनाची करणे अंमलबजावणी करण्यासाठी महापालिकेकडून जारी करण्यात आलेल्या मार्गदर्शक तत्त्वांचे उल्लंघन झाल्यास, काम थांबवण्याची नोटीस बजावण्याची तसेच दंडात्मक जबाबदारी वॉर्ड स्तरावरील कार्यरत उपअभियंतांवर असणार आहे. धुळीचे प्रमाण जास्त असलेल्या ठिकाणी ‘मिस्ट मशिन’द्वारे हवेत सूक्ष्म जलफवारणीही केली जाणार असून त्यासाठी महापालिका आपल्याजवळील २५ मशिनचा वापर करणार आहे.
गेल्या २४ तासांत संपूर्ण मुंबई शहरात गेल्या आठवड्याच्या तुलनेत प्रदूषणात ५० टक्के वाढ झाली आहे. गेल्या वर्षी महापालिकेने विकासकांसाठी प्रदूषण नियंत्रण मार्गदर्शक तत्त्वे जारी केली होती. त्याचे नेमके काय झाले ? त्याबद्दल महापालिकेला विसरच पडला आहे. – रवी राजा, माजी विरोधी पक्षनेते (काँग्रेस), मुंबई महापालिका
