वृत्तसंस्था : पीएफ ही आपल्या भविष्याची तरतूद असते. ती तरतूद करण्यासाठी ईपीएफओ आपल्याला मदत करते. दरमहा ठराविक रक्कम ईपीएफओकडे जमा होते. जी निवृत्तीनंतर किंवा निकडीच्यावेळी काढता येते. अशावेळी काहीजण पीएफ काढण्यासाठी घाई करतात. कर्मचारी भविष्य निर्वाह निधी संघटनेना म्हणजेच ईपीएफओने आपल्या अशा खातेदारांना इशारा दिलाय. अन्यथा पीएफ धारकांवर कारवाई केली जाणार आहे.
पीएफमधील रक्कम फक्त वैध कारणांसाठीच वापरावी. लक्झरी वस्तू, परदेशी सहली किंवा इतर अनावश्यक खर्चांसाठी पैसे काढल्यास ईपीएफ योजना, १९५२ अंतर्गत दंडात्मक कारवाई होऊ शकते आणि रक्कम व्याजासह वसूल केली जाईल, असं ईपीएफओने म्हटलंय. ईपीएफओच्या नियमानुसार, पीएफ निधी केवळ घर खरेदी किंवा डागडुजी, शिक्षण, विवाह किंवा गंभीर आजार यांसारख्या गरजांसाठी काढता येईल. जर खातेदाराने घरबांधणी किंवा खरेदीच्या नावाखाली रक्कम काढून ती अन्य कारणांसाठी वापरली, तर ती रक्कम परत वसूल करण्याचा अधिकार ईपीएफओला असल्याचे स्पष्ट करण्यात आले आहे.
