वृत्तसंस्था : रिलायन्स जिओ ५ सप्टेंबर २०२५ रोजी १० व्या वर्षात प्रवेश करतंय. ९ वर्षे पूर्ण झाल्याच्या निमित्ताने जिओचे सर्वसर्वा आकाश अंबानी यांनी ५० कोटी ग्राहकांसाठी तीन खास ऑफर्स जाहीर केल्या आहेत. यामध्ये वीकेंड, मासिक आणि वार्षिक सेलिब्रेशन प्लॅन्स समाविष्ट आहेत. तुम्ही जिओ ग्राहक असाल तर यात तुम्हाला अनलिमिटेड डेटा आणि मनोरंजनाचे फायदे मिळतील.
५ ते ७ सप्टेंबर २०२५ दरम्यान सर्व 5G ग्राहकांना त्यांच्या प्लॅननुसार अमर्यादित 5G डेटा मोफत मिळणार आहे. 4G स्मार्टफोन वापरकर्त्यांसाठी ३९ रुपयांच्या डेटा अॅड-ऑन पॅकद्वारे दररोज 3GB 4G डेटा उपलब्ध असेल, ज्यामुळे सर्व ग्राहकांना वर्धापन दिनाचा आनंद घेता येणार आहे. ३४९ रुपयांपेक्षा जास्त किंमतीच्या आणि 2GB/दिवस किंवा त्याहून अधिक डेटा असलेल्या दीर्घकालीन प्लॅन असलेल्या ग्राहकांना ५ सप्टेंबर ते ५ ऑक्टोबर २०२५ दरम्यान अमर्यादित 5G डेटा मिळेल. यासोबत Jio Hotstar, Jio Saavn Pro चे १ महिन्याचे सबस्क्रिप्शन, Zomato Gold चे ३ महिने, Netmeds First चे ६ महिने आणि Jio Home चा २ महिन्यांचा मोफत ट्रायल मिळेल. कमी किंमतीच्या प्लॅन असलेले ग्राहक १०० रुपयांचा पॅक जोडून हा लाभ घेऊ शकतात.
३४९ रुपये किंवा त्याहून जास्त किंमतीच्या १२ मासिक रिचार्ज पूर्ण करणाऱ्या ग्राहकांना 13 वा महिना मोफत मिळेल. यामध्ये त्यांना त्यांच्या नियमित प्लॅनमधील सर्व सुविधा विनामूल्य मिळतील, ज्यामुळे दीर्घकालीन ग्राहकांना विशेष फायदा होईल. नवीन जिओ होम कनेक्शनसाठी ५ सप्टेंबर ते ५ ऑक्टोबर २०२५ दरम्यान १२०० रुपयांत २ महिन्यांचे कनेक्शन उपलब्ध आहे. यामध्ये १०००+ टीव्ही चॅनेल, ३० एमबीपीएस अमर्यादित डेटा, १२+ OTT अॅप्स (Jio Hotstar सह), Wi-Fi 6 राउटर, 4K सेट टॉप बॉक्स, २ महिन्यांचा Amazon Prime Lite, 2% अतिरिक्त Jio Gold आणि ३००० रुपयांचे व्हाउचर मिळतील. www.jio.com वर याबद्दल अधिक माहिती देण्यात आली आहे.
