पुणे : लोकसभा निवडणूक २०२४ च्या अनुषंगाने मा. पोलीस आयुक्त सो. पुणे शहर यांनी पुणे शहरातील बड्या गुन्हेगारांची परेड घेऊन यापूर्वी अग्नीशस्त्रे बाळगणा-यांची देखील हजेरी पोलीस आयुक्त कार्यालयात लावली होती. अशातच येरवडा पोलीसांनी एका सराईताकडून देशी बनावटीचे दोन पिस्टल व चार राऊंड हस्तगत केले. अभिषेक नारायण खोड, वय २३ वर्ष, रा.लोहगाव रोड, वाघोली पुणे असे सराईताचे नाव आहे. त्याच्यावर यापूर्वी येरवडा पोलीस स्टेशन येथे खुनाचा गुन्हा दाखल असून मोक्याच्या गुन्हयात येरवडा जेलमधून सहा महिन्यापूर्वी कारागृहातून बाहेर आला होता. सदरबाबत येरवडा पोलीसांनी दिलेल्या माहितीनुसार तपास पथकाचे पोलीस हवालदार कैलास डूकरे, पोलीस अंमलदार सुशांत भोसले हे दि. १७/०४/२०२४ रोजी गुन्हेगार चेक करीत असताना त्यांना खास बातमीदारामार्फत बातमी मिळाली की, येरवडा पोलीस स्टेशनच्या रेकॉर्डवरील गुंड अमिषेक खोंड याच्याकडे पिस्टल असून तो वडगावशेरी भागातील नदीपात्राजवळील मोकळ्या जागेत कोणाचीतरी वाट बघत थांबलेला आहे. अशी माहिती मिळाल्याने तपास पथकाचे पोलीस उप-निरीक्षक स्वप्नील पाटील यांनी तपास पथकाचे स्टाफसह मिळालेल्या बातमीध्या ठिकाणी जाऊन येरवडा पोलीस ठाण्याचे वरिष्ठ पोलीस निरीक्षक संतोष पाटील व पोलीस निरीक्षक गुन्हे राहुल जगदाळे यांच्या मार्गदर्शनाप्रमाणे अग्नीशस्त्र बाळगणाऱ्यास ताब्यात घेऊन त्याच्याकडून एक पिस्टल व २ राऊड मिळून आले. सदरबाबत दि. १८/०४/२०२४ रोजी येरवडा पोलीस स्टेशन येथे गु.र.नं. २२०/२०२४ भारतीय हत्यार कायदा ३(२५) महाराष्ट्र पोलीस ॲक्ट कलम ३० (१) सह १३५ अन्वये गुन्हा दाखल करण्यात आला असून आरोपीस अटक करण्यात आली आहे. पोलीस कस्टडीमध्ये तपासादरम्यान त्याच्याकडून आणखी एक पिस्टल व २ राउंड हस्तगत करण्यात आले आहे असे आरोपीकडून एकूण ६५.५००/- रु किमतीचे एकूण २ पिस्टल व ४ राउंड हस्तगत करण्यात आले आहेत.
सदरची कामगिरी श्री मनोज पाटील, अपर पोलीस आयुक्त, पूर्व प्रादेशिक विभाग, श्री विजयकुमार मगर, पोलीस उप-आयुक्त, परिमंडळ ४ आरती बनसोडे, सहा पोलीस आयुक्त खडकी विभाग अतिरिक्त कार्यभार येरवडा विभाग, श्री. संताष पाटील, व.पो.नी. राहुल जगदाळे, पो.नि. येरवडा यांच्या मार्गदर्शनाखाली तपास पथकाचे अधिकारी पोउपनि स्वनिल पाटील, श्रेणी पोउपनि प्रदिप सुर्वे, पोह्वा गमपत थीकोळे, दत्ता शिंदे,तुषार खराडे, किरण घुटे, कैलास डुकरे, पोना सागर जगदाळे, पोअं अनिल शिंदे, सुरज ओंबासे, दत्तात्रय शिंदे, प्रशांत कांबळे, सुशांत भोसले, विठ्ठल घुले, नटराज सुतार यांनी केलेली आहे.
