डोंबिवली : ठाणे जिल्ह्यातील डोंबिवली शहरातील सोनारपाडा परिसरातून अत्यंत हृदयद्रावक घटना समोर आली असून, रस्ते अपघातात होणाऱ्या पतीचा मृत्यू झाल्यानंतर मानसिक धक्का सहन न झाल्याने १८ वर्षीय तरुणीचा मृत्यू झाला. या दुर्दैवी घटनेमुळे संपूर्ण परिसरात शोककळा पसरली असून, दोन्ही कुटुंबांवर दुःखाचा डोंगर कोसळला आहे. मिळालेल्या माहितीनुसार, संबंधित तरुण आणि तरुणीचे लग्न निश्चित झाले होते. दोन्ही कुटुंबांमध्ये लग्नाच्या तयारीला सुरुवात झाली होती आणि घरात आनंदाचे वातावरण होते. लग्नाच्या खरेदीपासून विविध विधींच्या नियोजनापर्यंत सर्व तयारी सुरू होती. अवघ्या काही दिवसांत नव्या आयुष्याची सुरुवात होणार असल्याने दोघेही भविष्याची अनेक स्वप्ने रंगवत होते. मात्र नियतीला काही वेगळेच मंजूर होते. सोमवारी झालेल्या भीषण रस्ते अपघातात तरुणाचा जागीच मृत्यू झाला. या अपघाताची माहिती मिळताच दोन्ही कुटुंबांवर दुःखाचा डोंगर कोसळला. होणाऱ्या पतीच्या अचानक सुरू असताना दोन्ही कुटुंबांवर अंत्यसंस्काराची वेळ आल्याने परिसरातील नागरिकांनाही मोठा धक्का झालेल्या मृत्यूची बातमी समजताच तरुणीला मोठा मानसिक धक्का बसला. तिच्यासमोर उभे राहिलेले आयुष्य एका क्षणात उद्ध्वस्त झाल्याची भावना तिच्या मनात निर्माण झाली होती, असे प्राथमिक माहितीतून समोर आले आहे. कुटुंबीयांनी तिला धीर देण्याचा प्रयत्न केला, मात्र या दुःखातून ती सावरू शकली नाही. आनंदाच्या वातावरणात सुरू असलेली लग्नाची तयारी अचानक थांबली आणि घरात शोककळा पसरली. लग्नाच्या निमंत्रणांची चर्चा बसला आहे.
सोमवारी रात्री कुटुंबीय घरातील कामात व्यस्त असताना तरुणी तिच्या खोलीत गेली. काही वेळानंतर ती बाहेर न आल्याने कुटुंबीयांनी शोध घेतला असता तिचा मृत्यू झाल्याचे निदर्शनास आले. घटनेची माहिती मिळताच पोलिसांनी घटनास्थळी धाव घेत पंचनामा केला आणि मृतदेह पुढील वैद्यकीय व कायदेशीर प्रक्रियेसाठी ताब्यात घेतला. या प्रकरणी आकस्मिक मृत्यूची नोंद करण्यात आली असून, पोलिसांकडून पुढील तपास सुरू आहे. या दुर्दैवी घटनेमुळे संपूर्ण सोनारपाडा परिसरात हळहळ व्यक्त केली जात आहे. काही दिवसांपूर्वी आनंदाने लग्नाची तयारी करणाऱ्या दोन कुटुंबांवर अल्पावधीतच दुहेरी दुःख कोसळल्याने सर्वत्र शोकाचे वातावरण निर्माण झाले आहे. या घटनेनंतर अनेक नागरिकांनी अशा प्रसंगी मानसिक आधार आणि कुटुंबीयांचे भावनिक सहकार्य किती महत्त्वाचे असते, याकडे लक्ष वेधले आहे. परिसरातील नागरिकांनीही दोन्ही कुटुंबांप्रती संवेदना व्यक्त करत या दुर्दैवी घटनेबद्दल शोक व्यक्त केला आहे. पोलिसांकडून या प्रकरणाचा सर्व बाजूंनी तपास सुरू असून, आवश्यक कायदेशीर प्रक्रिया पूर्ण करण्यात येत आहे.
