पुणे : शहरातील अवैध गावठी हातभट्टीच्या दारू विक्री करणाऱ्या इसमांवर पोलिसांकडून वेळोवेळी कायदेशीर कार्यवाही करण्यात येते. रसायनयुक्त दारू पिल्यामुळे अनेकांचे कुटुंब उद्ध्वस्त झाले आहे. तर अनेकांना आपले जीव गमवावे लागले आहेत. यातच बेकायदेशीर दारूची विक्री करणाऱ्यांवर पोलीस कारवाई करीत असताना देखील गुपित दारू विक्री सुरूच असते. बेकायदेशीर दारूची विक्री करणाऱ्यांवर कठोर कारवाई व्हावी या हेतूने पोलिसांनी गावठी दारू विक्री करणाऱ्यांविरुद्ध कंबर कसली आहे.
पोलिसांनी दिलेल्या माहितीनुसार, आरोपी महिला गावठी हातभट्टीची तयार दारू विक्रीसाठी अनधिकृतपणे, विनापरवाना, बेकायदेशीररित्या बाळगून विक्री करत होती. अश्या एका महिलेवर हडपसर पोलीसांकडून एम.पि.डी.ए. कायद्यान्वये कारवाई करण्यात आली आहे. शुभांगी भगवान साळवी वय वर्षे -३५, रा. भैरवनाथ चौक, माळवाडी, हडपसर पुणे. असे या महिलेचे नाव असून या महिलेवर यापूर्वीही दारू विक्रीचे आठ गुन्हे दाखल आहेत. सदर आरोपी महिला जामिनावर बाहेर येऊन पुन्हा आपला दारूधंदा चालवत असे. हे पोलिसांच्या निदर्शनास आले होते. दाखल गुन्हामधील रेकॉर्डवरील आरोपी वारंवार दारू विक्री करून स्वतःचा आर्थिक फायदा करून सार्वजनिक सुव्यवस्थेस बाधा पोहचवीत असून ती समाजासाठी धोकादायक असल्याचे तपासात निष्पन्न झाले आहे. म्हणून तिला ०१ वर्षे स्थानबद्ध करून मध्यवर्ती कारागृह,नागपूर येथे ठेवणेबाबत आदेश काढण्यात आले आहेत. सदरची कामगिरी मा. अमितेश कुमार, पोलीस आयुक्त पुणे शहर, मा.रंजनकुमार शर्मा,सह पोलीस आयुक्त. मा.मनोज पाटील, अपर पोलीस आयुक्त. पुर्व प्रादेशिक विभाग, मा. राजकुमार शिंदे, पोलीस उप-आयुक्त.परीमंडळ-५. मा.अनुराधा उदमले, सहा. पोलीस आयुक्त, हडपसर विभाग, यांच्या मार्गर्शनाखाली मा.संजय मोगले, वरिष्ठ पोलीस निरीक्षक हडपसर पोलीस स्टेशन पुणे शहर, मा.निलेश जगदाळे, पोलीस निरीक्षक (गुन्हे), सारिका जगताप पोलीस निरीक्षक (गुन्हे), पोलीस उप-निरीक्षक अल्ताफ शेख, हडपसर पो.स्टे. निगराणी पथकातील सहा. पोलीस फौजदार प्रविण शिंदे, पोलीस हवालदार शरद चव्हाण, पोलीस अंमलदार प्रशांत दुधाळ, मनिषा जरांडे, आश्लेषा माने यांनी कारवाई केली आहे.
