मुंबई : अंधेरीत गुंदवली मेट्रो स्थानकात बेवारस संशयास्पद बॅग सापडल्याची माहिती समोर आली. गुंदवली मेट्रो स्थानकाच्या पहिल्या मजल्यावर एक काळ्या रंगाची संशयास्पद बॅग आढळली. या संशयास्पद बॅगेमुळे परिसरात भीतीचे वातावरण पसरले. या बॅगेत काही घातपात होण्यासाठी संशयास्पद वस्तू ठेवल्याचा पोलिसांना संशय होता. त्यामुळे मुंबई पोलिसांनी या परिसरात बॉम्ब शोधक आणि नाशक पथकाला बोलावण्यात आलं.
मेट्रो स्थानकाच्या पहिल्या माळ्यावर तिकीट काऊंटर आहे. या तिकीट काऊंटर जवळच एक काळ्या रंगाची संशयित बॅग सापडली. या बॅगेत काही घातपात घडवण्यासाठी असणारी वस्तू असल्याचा संशय होता. त्यामुळे पोलीसही तातडीने कामाला लागले होते. पोलिसांनी तातडीने घटनास्थळी नागरिकांना बाजूला केलं होतं. तसेच बॉम्ब शोधक आणि नाशक पथक घटनास्थळी दाखल झालं होतं. या बॅगेत घातपात घडवणाऱ्या वस्तू असू नयेत, अशी प्रार्थना नागरिकांकडून केली जात होती. या प्रकरणी सखोल तपास करण्यात आला. दरम्यान, घटनास्थळी सविस्तर तपास करण्यात आला. यावेळी प्रवासी देखील घाबरलेले होते. त्यांच्याकडूनदेखील लांबून तपास कसा सुरु आहे, याकडे पाहिलं जात होतं. अखेर तपास केला असता काळ्या रंगाच्या संशयित बॅगेत काहीच संशयास्पद वस्तू आढळले नसल्याची माहिती समोर आली. त्यामुळे नागरिकांनी सुटकेचा श्वास सोडला आहे.
