पुणे : पुण्यातील कोथरुड पोलिसांनी १८ जुलै रोजी रात्री अडीच वाजता ॲक्सिस बॅक एटीएम समोर, बधाई चौक कोथरूड, पुणे येथून मोहम्मद इम्रान मोहम्मद युसुफ खान वय २३ वर्षे आणि मोहम्मद युनुस मोहम्मद याकुब साकी वय २४ वर्षे, रा. ए/१, बिल्डींग फ्लॅट नं. १७, चेतना गार्डन, मिठानगर, कोंढवा, पुणे या दोन दहशतवाद्यांना अटक केली होती. ते दोघही मुळ रा. रतलाम मध्यप्रदेश मधील असल्याचं समोर आलं होतं. ते दोखे आणि त्यांचा पळून गेलेला साथीदार याच्या विरुध्द कोथरुड पोलीस स्टेशन, पुणे शहर यांनी गुन्हा दाखल करुन आरोपांना अटक केली होती. कोथरुड पोलिसांना अधिक तपासात अटक केलेल्या आरोपींवर एन. आय. ए. कडून गुन्हे नोंद करण्यात आले असून ते फरारी असल्याची माहिती मिळाली. आरोपीं विरुध्द प्रत्येकी ५ लाख रुपयांचे बक्षिस जाहीर केले असल्याची माहिती मिळाली होती. या गुन्हयाचे गांभीर्य लक्षात घेवून पोलीस महासंचालक, महाराष्ट्र राज्य, मुंबई यांनी गुन्हयाचा तपास दहशतवाद विरोधी पथकाकडे वर्ग केला होता. २२ जुलै रोजी कोथरुड पोलीस स्टेशनकडून गुन्हा वर्ग केल्यानंतर दहशतवाद विरोधी पथकाने अटकेत असलेल्या आरोपींकडे तपास सुरु केला होता, अशी माहिती दहशतवाद विरोधी पथकाच्या पुणे शाखेकडून देण्यात आली होती.
आरोपीकडे केलेल्या तपासात आणि आरोपींनी दिलेल्या माहितीवरुन कोंढवा येथील एका घरातून लॅपटॉप, टॅब, बजनकाटा, ड्रोन, नकाशा, बॅटरीसेल, इलेक्ट्रनिक सर्कीट, सोल्डरींग गन व काळया रंगाची चकचकीत केमिकल पावडर आणि वेगवेगळी उर्दु व अरेबिक भाषेतील पुस्तके असे साहीत्य मिळून आलेने ते जप्त करण्यात आले होते. आरोपींच्या ताब्यातून जप्त करण्यात आलेली चकचकीत पावडरची तज्ज्ञांनी तपासणी केली असता सदर पावडर ही स्फोटक पदार्थ असल्याबाबत प्राथमिक अहवाल मिळाला आहे. आरोपींतांनी जंगल परीसरात राहण्यासाठी वापरासाठी घेतलेले टेन्ट जप्त करण्यात आले आहेत. आरोपींकडून जप्त करण्यात आलेले साहित्य तपासणी होवून अहवाल मिळण्यासाठी फॉरेन्सिक लॅबला पाठवण्यात आले आहेत. या आरोपांनी देशाच्या एकतेस, अंखडतेस व सुरक्षीततेस धोका निर्माण करण्याच्या उद्देशाने एकत्र येऊन बॉम्ब बनविण्यांचे प्रशिक्षण घेवून तसेच साहित्य बाळगले असताना मिळून आले असल्याने सदर गुन्हयामध्ये यु. ए. पी. ए. च्या कलमांचा अंतर्भाव करण्यात आला, अशी माहिती दहशतवाद विरोधी पथकाच्या पुणे शाखेकडून देण्यात आली.
