मुंबई : मुंबई विमानतळ आणि ताजमहाल पॅलेस हॉटेलला बॉम्बने उडवण्याच्या धमक्या मिळाल्या आहेत. ही धमकी मुंबईतील छत्रपती शिवाजी महाराज आंतरराष्ट्रीय विमानतळ आणि ताजमहाल पॅलेस हॉटेलला मुंबई विमानतळ पोलिसांच्या ईमेल आयडीवर मेलद्वारे पाठवण्यात आली आहे. त्या ईमेलमध्ये दावा करण्यात आला होता की ताजमहाल पॅलेस हॉटेल आणि विमानतळावर बॉम्ब हल्ला केला जाईल. या मेलमध्ये दहशतवादी अफजल गुरु आणि शैवक्कू शंकर यांना “अन्याय्य फाशी” देण्याचा उल्लेख करून धमकी देण्यात आली आहे. मुंबई पोलिसांच्या पथकाने या प्रकरणाची दखल घेतली आहे आणि तपास सुरू केला आहे. अद्याप काहीही संशयास्पद आढळलेले नाही. मेल पाठवणाऱ्या आरोपींचा माग काढण्याचे प्रयत्न सुरू आहेत.
मुंबई पोलिसांना छत्रपती शिवाजी महाराज आंतरराष्ट्रीय विमानतळ आणि ताजमहाल पॅलेस हॉटेल उडवून देण्याची धमकी देणारा ईमेल मिळाला आहे. यानंतर गुन्हा दाखल करण्यात आला आणि सर्व एजन्सींना सतर्क करण्यात आले. धमकीच्या ईमेलमध्ये दहशतवादी अफजल गुरुचे नाव नमूद असल्याची माहिती सूत्रांनी दिली. एका अज्ञात व्यक्तीने मुंबई विमानतळ पोलिसांना ईमेल केला आहे. मुंबईतील छत्रपती शिवाजी महाराज आंतरराष्ट्रीय विमानतळ आणि ताजमहाल पॅलेस हॉटेलला पाईप बॉम्बची धमकी देण्यात आली आहे. संसदेवरील हल्ल्याप्रकरणी फाशी देण्यात आलेला दहशतवादी अफजल गुरुला आणि सावक्कू शंकर यांचे नाव ईमेलमध्ये नमूद केले आहे. या धमकीच्या ईमेलनंतर सर्व एजन्सींना सतर्क करण्यात आले आहे. मेल पाठवणाऱ्या व्यक्तीविरुद्ध गुन्हा दाखल करण्यात आला आहे.
