भारताची विजयी घौडदौड सुरूच! बलाढ्य दक्षिण आफ्रिकेवर २४३ धावांनी विजय

दरम्यान भारतीय संघाने दिलेल्या आव्हानाचा पाठलाग करण्यासाठी मैदानात उतरलेल्या दक्षिण आफ्रिकेने आपला आक्रमकपणा दाखवला. परंतु मोहम्मद सिराजने पहिली विकेट घेतल्यानंतर आफ्रिकेचं मानासीक स्थिती खालावलेली दिसली. कारण सिराजने दक्षिण आफ्रिकेचा सर्वात फॉर्ममध्ये असलेला फलंदाज क्विंटन डी कॉकचा त्रिफळा उडवला. डी कॉक ५ धावा करून बाद झाला. टीम इंडियाने दक्षिण आफ्रिकेचा निम्मा संघ अवघ्या ४४ धावांवर तंबूमध्ये पाठवला होता. भारतीय गोलंदाजापुढे आफ्रिकेच्या फलंदाजांनी नांगी टाकलेली दिसलं. वर्ल्ड कपमध्ये सर्वात दमदार कोणता संघ असेल तर तो दक्षिण आफ्रिका असल्याचं म्हटलं जात होतं. परंतु कोलकातामधील ईडन गार्डनमध्ये दक्षिण आफ्रिकेच्या संघाने नवख्या संघासारखी खेळी केली. आपलं मनोबल गमावलेल्या आफ्रिकेच्या संघाने दुसरा मोठा झटका कर्णधाराच्या रुपात मिळाला.

रविंद्र जडेजाने आफ्रिका संघाचा कर्णधार टेम्बा बावुमाचा त्रिफळा उडवला. टेम्बा फक्त ११ धावा करू शकला. या संपूर्ण वर्ल्ड कपमध्ये दक्षिण आफ्रिकेचा कर्णधार टेम्बाला मोठी खेळी करता आलेली नाहीये. त्यानंतर दक्षिण आफ्रिकेच्या संघाला तिसरा झटका मोहम्मद शमीने दिला. एडन मार्करमला ९ धावांवर झेलबाद केलं. त्यानंतर जडेजाने आपली दुसरा विकेट घेत एनरिक क्लासेनला बाद केलं. त्यानंतर शामीचा दुसरा शिकार रासी वान डर डुसेनला बनवला. कोहलीने १०१ धावांची उत्कृष्ट खेळी खेळली. याशिवाय श्रेयस अय्यरने ७ चौकार आणि २ षटकारांच्या मदतीने ७७ धावा केल्या. कर्णधार रोहित शर्मा २४ चेंडूत ४० धावा करून बाद झाला. सूर्यकुमार यादव २२ धावांवर तर रवींद्र जडेजाने २९ धावा केल्या.