मुंबई : मुंबईतील दादर रेल्वे टर्मिनलवर उभ्या असलेल्या एका एक्स्प्रेसमध्ये एका इसमाने आत्महत्या केल्याची घटना उघडकीस आल्याने प्रचंड खलबळ माजली. ही घटना रणकपूर एक्स्प्रेसमध्ये घडली असून त्या रेल्वेच्या टॉयलेटमध्ये इसमाचा मृतदेह सापडला. त्याने टॉवेलच्या सहाय्याने गळफास लावत त्याचं आयुष्य संपवलं. संध्याकाळी रणकपूर एक्स्प्रेस ही दादर स्टेशनवर आल्यानंतर आरपीएफकडून ट्रेनची तपासणी करण्यात येत होती, तेव्हा ही घटना उघडकीस आली. यामुळे मोठी खळबळ माजली असून रेल्वे पोलिसांनी मुंबई सेंट्रल रेल्वे पोलिस ठाण्यात आकस्मिक मृत्यूची नोंद केली आहे. मृतेदहाची ओळख पटवून त्याच्या नातेवाईकांचा शोध घेण्यात पोलिस व्यस्त आहेत. संध्याकाळी उशीरा रणकपूर एक्स्प्रेस दादर स्टेशनवर आली. गाडी रिकामी झाल्यानंतर आरपीएफ जवानांकडून संपूर्ण ट्रेनची तपासणी करण्यात येत होती. तेव्हा एक्सप्रेसच्या एका डब्याचे बाथरूमचे दार आतून बंद होते. आरपीएफ पोलिसांनी आतील व्यक्तीशी संपर्क साधण्याचा प्रयत्न केला, दरवाजा ठोठावूनही काहीच प्रतिसाद मिळाला नाही. आतून कोणी आवाज दिला नाही, दरवाजाही उघडला नाही. यामुळे पोलिसांना संशय आला. अखेर त्यांनी जोर लावून बाथरूमचा दरवाजा उघडला असता समोरचं दृश्य पाहून ते हादरलेच.
ट्रेनच्या टॉयलेटमध्ये एका व्यक्तीने आत्महत्या केली होती. त्याने टॉवेलने गळफास लावून घेत त्याचं आयुष्य संपवलं. पोलिसांनी त्याचा मृतदेह खाली उतरवून तपासणी सुरू केली. मात्र आत्महत्या केलेल्या व्यक्तीवळून आरपीएफला कोणतेही ओळखपत्र किंवा मोबाईल फोन सापडला नाही. त्यामुळे तो कोण, त्याने हे टोकाचं पाऊल का उचललं, याची कोणतीही माहिती अद्याप समोर आलेली नाही. रेल्वे पोलिसांनी या प्रकरणी मुंबई सेंट्रल रेल्वे पोलिस स्टेशनमध्ये एडीआरची नोंद केली असून या प्रकरणाचा तपास आणि मृताची ओळख पटवण्यास सुरुवात केली आहे.
