नवी मुंबई : पालिका कार्यक्षेत्रामधील धोकादायक इमारतींचे सन २०२५-२०२६ या वर्षासाठी विभागवार सर्वेक्षण करण्यात आले आहे. सर्वेक्षणानंतर महानगरपालिका क्षेत्रात एकूण ५०१ इमारती महाराष्ट्र महानगरपालिका अधिनियमाचे कलम २६४ अन्वये धोकादायक इमारती म्हणून घोषित करण्यात आलेल्या आहेत. यामध्ये, अतिधोकादायक, राहण्यास वात्काळ निष्कासित करणे असा अयाय व प्रवर्गामध्ये मोडणा-या ५१ इमारती तसेच इमारत रिकामी करून संरचनात्मक दुरूस्ती करणे, अशा ‘सी-२ ए’ प्रवर्गामध्ये मोडणा-या १०४ इमारती आणि इमारत रिकामी न करता रचनात्मक दुरूस्ती करणे अशा ‘सी-२ बी’ प्रवर्गामध्ये मोडणा-या २९७ इमारती त्याचप्रमाणे इमारतीची किरकोळ दुरूस्ती या ‘सी-३’ प्रवर्गामध्ये मोडणा-या ४९ इमारती, अशाप्रकारे एकूण ५०१ धोकादायक इमारतींची यादी घोषित करण्यात आलेली आहे. ठळक अक्षरात केला प्रसिद्ध पालिकेच्या www.nmmc.gov.in या वेबसाईटवर ‘विभाग’ सेक्शनमध्ये ‘अतिक्रमण विभाग’ माहितीच्या सेक्शनमध्ये ‘सामान्य माहिती’ या अंतर्गत अवलोकनासाठी सहज उपलब्ध करून देण्यात आलेली आहे. या यादीमध्ये अतिधोकादायक, राहण्यास अयोग्य व तत्काळ निष्कासित करण्याच्या ‘सी- १’ प्रवर्गामध्ये नमूद ५१ इमारतींची नावे व तपशील नागरिकांना सहज कळावा यादृष्टीने ठळक अक्षरात प्रसिध्द करण्यात आलेला आहे.
घोषित इमारतीमध्ये वास्तव्य करणारे मालक / भोगवटादार यांना ते राहत असलेली इमारत निवासी / वाणिज्य वापराकरिता धोकादायक असलेबाबत आणि या इमारतींमधील निवासी वाणिज्य वापर तत्काळ थांबविण्याबाबत तसेच धोकादायक इमारतींचे बांधकाम विनाविलंब तोडून टाकणेबाबत नोटीस देण्यात आलेल्या आहेत. ‘सी-१’ प्रवर्गातील इमारतीची विदयुत व जलजोडणी खंडीत करण्यात येईल, असेही यात स्पष्टपणे नमूद करण्यात आलेले आहे. इमारत कोसळून जिवीत व वित्त हानी होण्याचा संभव लक्षात घेऊन या इमारतीचा बांधकामाचा निवासी / वाणिज्य वापर त्वरित बंद करावा आणि ही इमारत / बांधकाम विनाविलंब तोडून टाकावे, असे सूचित करण्यात आलेले आहे. अशा प्रकारची कार्यवाही न केल्यास, इमारत । बांधकाम कोसळल्यास होणा-या नुकसानीस फक्त संबंधित जबाबदार असतील, पालिका यास जबाबदार राहणार नाही, असे स्पष्टपणे सुचित करण्यात आलेले आहे. या नोटिसीमध्ये धोकादायक इमारतीच्या नावासमोर रहिवास वापर सुरु आहे अथवा नाही याचीही नोंद करण्यात आलेली आहे. इमारतीच्या वर्गीकरणानुसार इमारतींचा भोगवटा वापर / रहिवास करणा-या नागरिकांनी इमारत तत्काळ निष्कासीत करावयाची आहे किवा वर्गीकरणानुसार नमूद केल्याप्रमाणे इमारत रिकामी करून संरचनात्मक दुरुस्ती करणे प्रवर्गामध्ये मोडणा-या भोगवटाचारकांनी इमारत दुरुस्त करून आवश्यक उपाययोजना करणे गरजेचे आहे.
