मुंबई : माहिती व जनसंपर्क महासंचालनालयातील संचालक(प्रशासन) या पदाचा कार्यभार श्री.हेमराज बागुल यांनी मंत्रालय येथे स्वीकारला. विभागाच्या सचिव तथा महासंचालक श्रीमती जयश्री भोज यांच्या उपस्थितीत संचालक श्री.गणेश रामदासी यांच्याकडून श्री. बागुल यांनी पदभार स्वीकारला. याप्रसंगी उपसंचालक(वृत्त) श्री.दयानंद कांबळे, उपसंचालक(प्रशासन) श्री.गोविंद अहंकारी, उपसंचालक(प्रकाशने) श्री.अनिल आलुरकर, उपसंचालक(प्रदर्शने) श्रीमती सीमा रनाळकर आदींनी पुष्पगुच्छ देवून श्री. बागुल यांचे स्वागत केले.
श्री.हेमराज बागुल यांच्याकडे सध्या महासंचालनालयाच्या नागपूर-अमरावती विभाग आणि औरंगाबाद-लातूर विभागाच्या संचालकपदाचा अतिरिक्त कार्यभारही देण्यात आला आहे. श्री.बागुल यांनी यापूर्वी मुख्यमंत्र्यांचे मुख्य जनसंपर्क अधिकारी तसेच महासंचालनालयात प्रकाशने, महान्यूज, वृत्त आदी शाखांमध्ये त्यांनी जबाबदारी सांभाळली आहे. शासकीय सेवेत येण्यापूर्वी श्री.बागुल यांनी पत्रकारितेत योगदान दिले आहे. तसेच साहित्यविषयक विविध पुरस्कारांनी श्री.बागुल यांना सन्मानित करण्यात आले.