वृत्तसंस्था : संघटित क्षेत्रात काम करणाऱ्या प्रत्येक कर्मचाऱ्याचे पीएफ अकाउंट असते. पीएफ अकाउंटमधील रक्कम ही एक गुंतवणूक असते. तुमच्या पगारातील एक ठरावीक रक्कम दर महिन्याला पीएफ खात्यात जमा केली जाते. पीएफ खात्यात काही रक्कम नियोक्त्याकडून जमा केली जाते. दरम्यान, तुमच्या खात्यात किती रक्कम जमा आहे हे तुम्ही ऑनलाइन पद्धतीने चेक करु शकतात.
तुम्हाला जर पीएफ खात्यातील बॅलेंस चेक करायचा असेल तुम्ही एक मिस्ड कॉल देऊन करु शकतात. तुम्हाला ९९६६०४४४२५ या मोबाईल नंबरवर मिस्ड कॉल द्यायचा आहे. त्यानंतर तुम्हाला एसएमएसद्वारे पीएफची सर्व माहिती मिळणार आहे. तुम्ही या नंबरवर कॉल केल्यावर आपोआप फोन कट होईल. त्यानंतर तुम्हाला मेसेज येईल. तुम्ही एसएमएसद्वारेही पीएफ खात्यात किती पैसे जमा आहेत हे चेक करु शकतात. तुम्हाला ७७३८२९९८९९ या फोनवर EPFOHO असं लिहल्यानंतर तुम्हाला तुमचा यूएएन नंबर टाकायचा आहे. यानंतर तुम्हाला एसएमएसवर पीएफ खात्यातील बॅलेन्स किती आहे हे समजेल.
