पुणे : कल्याणीनगर पोर्शे अपघात प्रकरणातील मास्टरमाईंड समजल्या जाणार्या व रक्ताचे नमुने बदलण्याच्या प्रक्रीयेत पोलिसांच्या तपासात मुख्य सुत्रधार म्हणून निष्पन्न झालेल्या ससून रूग्णालयातील न्याय वैद्यक शास्त्र विभागाचा तत्कालीन प्रमुख डॉ. अजय तावरे याची पुन्हा एकदा चौकशी करण्यात येणार आहे. येरवडा कारागृहात जाऊन डॉ. तावरेची चौकशी करण्याची परवानगी गुन्हे शाखेला मिळाली आहे. याला वरिष्ठ पोलिस अधिकार्यांनी देखील दुजोरा दिला आहे. कल्याणीनगर अपघात प्रकरणात दोन आठवड्यांपूर्वी ९०० पानांचे दोषारोपपत्र दाखल केले आहे. डॉ. हाळनोर याला २ लाख ५० हजार तर घटकांबळे याला ५० हजार रूपये मिळाले होते. यात अश्पाक मकानदार आणि अमर गायकवाड यांची भुमिका महत्वाची होती. तर विशाल अगरवालची पत्नी शिवानी हीचे रक्त अल्पवयीन मुलाचे रक्त म्हणून तपासणीसाठी देण्यात आले होते. हे तपासात निष्पन्न झाले आहे.
न्यायीक प्रक्रीयेतून बेकायदेशीररित्या सोडवणे. महत्वाचे पुरावे नष्ठ करण्यासाठी पुरव्यांशी छेडछाड करणे. न्यायदानाच्या प्रक्रीयेत बाधा आणण्यासाठी तपास यंत्रणांची दिशाभूल केली. त्यासाठी बनावटीकरण केले. डॉ. हाळनोर रक्त नमुने बदलण्याची जेवढा जबाबदार आहे. तेवढाच रक्त बदलण्यास सांगणारा डॉ. तावरेही जबाबदार असल्याचा ठपका या प्रकरणात ठेवला आहे. तर अगरवाल कुटुंबियांकडून ४ लाख रूपये घेतले होते. घटकांबळे याला त्यातील तीन लाख देण्यात आले. त्यातील एक लाखाचा हिशोब पोलिसांना लागत नसल्याने त्याचा तपास डॉ. तावरेकडे करायचा आहे. पोलिसांकडून ठेवण्यात आलेल्या ठपक्यामध्ये त्यांनी डॉ. तावरेचा गुन्ह्यात प्रत्यक्ष व सक्रिय सहभाग असल्याचे निष्पन्न झाल्याचे म्हटले आहे. त्याला यात मोठ्या प्रमाणात आर्थिक लाभ झाला असून इतर स्वरूपाचा मोठा लाभ संबंधीताकडून देण्याची हमी दिल्याचे तपासात समोर आले आहे. या प्रकरणात पुरवणी आरोपपत्र दाखल करण्याच्या दृष्टीने व डॉ. तावरे याच्यासह अन्य आरोपींकडून मिळालेली माहिती याचे धागेदोरे जुळविण्यासाठी गुन्हे शाखेकडून तावरेची कारागृहात जाऊन चौकशी करण्याची मागणी न्यायालयाकडे करण्यात आली होती. गुन्हे शाखेला तपासासाठी ही परवानगी मिळाली आहे.
