वृत्तसंस्था : १ एप्रिल २०२६ पासून नवीन आर्थिक वर्षाच्या सुरुवातीला एटीएम (ATM) व्यवहारांबाबत बँकांनी महत्त्वपूर्ण बदल केले आहेत. प्रामुख्याने HDFC बँक, पंजाब नॅशनल बँक (PNB) आणि बंधन बँक यांसारख्या मोठ्या बँकांनी रोख रक्कम काढण्याचे नियम आणि शुल्क सुधारित केले आहेत.
यापूर्वी UPI द्वारे एटीएममधून पैसे काढणे स्वतंत्र मानले जात असे. आता हे व्यवहार तुमच्या मासिक ‘फ्री ट्रान्झॅक्शन लिमिट’ (मोफत व्यवहार मर्यादा) मध्ये मोजले जातील. ही मर्यादा ओलांडल्यास प्रत्येक व्यवहारासाठी ₹२३ + टॅक्स इतके शुल्क आकारले जाईल. स्वतःच्या एटीएमवर ५ मोफत व्यवहार; इतर बँकांच्या एटीएमवर मेट्रो शहरात ३ आणि नॉन-मेट्रो शहरात ५ मोफत व्यवहार मिळतील. काही डेबिट कार्डांसाठी दैनंदिन पैसे काढण्याची मर्यादा ₹१ लाखावरून ₹५०,००० पर्यंत कमी करण्यात आली आहे. प्रीमियम कार्डांसाठी ही मर्यादा ₹१.५ लाखावरून ₹७५,००० करण्यात आली आहे. स्वतःच्या एटीएमवर ५ मोफत आर्थिक व्यवहार मिळतील. मर्यादा संपल्यावर आर्थिक व्यवहारासाठी ₹२३ आणि बिगर-आर्थिक व्यवहारासाठी (उदा. बॅलन्स चेक) ₹१० शुल्क लागेल. खात्यात शिल्लक नसल्यामुळे व्यवहार अयशस्वी झाल्यास ₹२५ दंड आकारला जाईल
