नवी मुंबई : नवी मुंबईत २४ तासांमध्ये ६ अल्पवयीन मुले बेपत्ता झाल्याची घटना घडली असून यामध्ये चार अल्पवयीन मुली आणि दोन मुले आहेत. यातील एका मुलाला शोधण्यात पोलिसांना यश आलं आहे. कामोठे, कोपरखैरणे, पनवेल शहर, रबाळे आणि कळंबोली पोलीस ठाण्यात अपहरणाचे गुन्हे नोंदविण्यात आले असून या घटनेनं आजूबाजूच्या परिसरातील नागरिकांमध्ये भीतीचे वातावरण पसरलं आहे. महत्वाचं म्हणजे ही मुले १२ ते १५ वयोगटातील असून ते मित्र-मैत्रिणींकडे किंवा वाढदिवसाला चाललो असे सांगून घरातून गेले ते परत आलेच नाही. त्यामुळे ह्या सर्व प्रकरणांमध्ये एखाद्या टोळीचा हात आहे का? तसेच बेपत्ता मुलांना शोधण्याचा तपास पोलीस करत आहेत. मात्र, नवी मुंबईमध्ये बेपत्ता झालेल्या मुलांच्या घटनेवरून पुन्हा एकदा नवी मुंबई पोलिसांच्या कामगिरीवर प्रश्नचिन्ह निर्माण झालं आहे.
नवी मुंबई पोलिसांच्या हद्दीतून ४ डिसेंबर रोजी २४ तासात एकूण सहा मुले बेपत्ता झाल्याची माहिती समोर आली आहे. यामध्ये १२ ते १५ वयोगटातील मुलांच्या अपहरणाचे गुन्हे त्यांच्या पालकांच्या तक्रारीनंतर कामोठे, कोपरखैरणे, पनवेल शहर, रबाळे आणि कळंबोली पोलीस ठाण्यात सोमवारी नोंदवण्यात आले आहेत. कळंबोली येथील १३ वर्षांची मुलगी ३ डिसेंबर रोजी तिच्या वर्गमित्राच्या वाढदिवसाला गेली आणि ती परत घरी आलीच नाही. तसेच पनवेलमधील १४ वर्षांची मुलगी ३ डिसेंबर रोजी तिच्या मित्रांच्या घरी गेली होती, ती परत घरी आलीच नाही. तसेच कोपरखैरणे हद्दीतील आणखी एका प्रकरणात ४ डिसेंबर रोजी बेपत्ता झालेल्या १२ वर्षाच्या मुलाचा ठाणे रेल्वे स्थानकावर शोध लागला आणि नंतर तो त्यांच्या कुटुंबासह एकत्र आला. तर कामोठे येथे १२ वर्षांची मुलगी ४ डिसेंबर रोजी घराबाहेर पडली, ती परत आलीच नाही. रबाळे येथे ४ डिसेंबर रोजी एक १३ वर्षांची मुलगी शाळेसाठी घरातून निघाली, ती परतली नाही. तसेच कामोठे येथे १२ वर्षांची मुलगी ४ डिसेंबर रोजी घराबाहेर पडली, ती परत आलीच नाही. रबाळे येथे ४ डिसेंबर रोजी एक १३ वर्षांची मुलगी शाळेसाठी घरातून निघाली, ती परतली नाही. रबाळे येथील १३ वर्षांचा मुलगा ४ डिसेंबर रोजी सकाळी शौचास गेला, तो परत आलाच नाही. बेप्पता झालेल्या मुलांचा पोलीस शोध घेत आहेत. तसेच या सर्व प्रकरणांमागे एखाद्या टोळीचा हात आहे का? याचाही तापास पोलिसांकडून सुरु असून नवी मुंबई पोलिसांच्या कामगिरीवर प्रश्नचिन्ह उपस्थित झाला आहे.