ठाणे : ठाणे रेल्वे स्थानक परिसरात मध्यरात्री एका सराफाच्या दुकानात दरोडा टाकण्यात आला आहे. या दरोड्यामध्ये सुमारे सात किलो दागिने चोरी झाल्याची प्राथमिक माहिती समोर येत आहे. याप्रकरणी नौपाडा पोलीस ठाण्यात गुन्हा दाखल करण्याची प्रक्रिया सुरू आहे.
ठाणे रेल्वे स्थानक परिसरात सराफाचे दुकान आहे. मध्यरात्री या सराफाच्या दुकानाचा लोखंडी शटर तोडून दोन दरोडेखोरांनी दुकानात प्रवेश केला. या दुकानातील सोन्याचे दागिने दरोडेखोरांनी चोरी केले. सुमारे सात किलो वजनाचे हे दागिने असल्याची प्राथमिक माहिती समोर येत आहे. नौपाडा पोलीस आणि ठाणे गुन्हे अन्वेषण पथक घटनास्थळी दाखल झाले. याप्रकरणी गुन्हा दाखल करण्याची प्रक्रिया सुरू आहे.