वृत्तसंस्था : WhatsApp सारखेच एक अ‍ॅप लॉन्च करण्यात आले आहे. यात व्हॉइस-व्हिडिओ कॉलिंग, मीडिया शेअरिंग, ग्रुप्स आणि डेस्कटॉप सपोर्ट यासारखे फीचर्स आहेत. आता Arattai अ‍ॅप मध्ये काय विशेष आहे. भारतीय टेक कंपनी Zoho ने Arattai अराताई नावाचे एक नवीन मेसेजिंग आणि कॉलिंग अ‍ॅप लाँच केले आहे, ज्याला थेट WhatsApp चा भारतीय पर्याय म्हटले जात आहे. यात व्हॉईस आणि व्हिडिओ कॉलिंग, ग्रुप चॅट, चॅनेल्स, स्टोरीज आणि ऑनलाईन मीटिंग्ज यासारखे फीचर्स आहेत.
लाँच झाल्यापासून, अ‍ॅप स्टोअरवर WhatsApp ला मागे टाकत ते अधिकृतपणे सोशल नेटवर्किंगमध्ये प्रथम क्रमांकावर पोहोचले आहे. कंपनीचा दावा आहे की, हे अ‍ॅप लो-एंड डिव्हाइस आणि कमकुवत नेटवर्कवरही स्मूथ चालेल. येथे आम्ही या अ‍ॅप चे खास फीचर्स सांगत आहोत, तसेच ते WhatsApp पेक्षा कसे वेगळे आहे, युजर्स १ टू १ चॅट, ग्रुप चॅट आणि मीडिया शेअरिंग करू शकतात. Arattai अ‍ॅप मध्ये व्हॉईस नोट्स, फोटो, व्हिडिओ आणि दस्तऐवज पाठविण्याचा पर्यायही आहे. कॉलिंगसाठी युजर्स थेट चॅटवरून व्हॉईस किंवा व्हिडिओ कॉल करू शकतात. Arattai अ‍ॅप केवळ गप्पा मारण्यापुरते मर्यादित नाही. यात ग्रुप डिस्कशन, चॅनेल्स, स्टोरीज, मीटिंग्ज अशी फीचर्स आहेत. युजर्स ऑनलाईन मीटिंग्ज शेड्यूल करू शकतात, सह-होस्ट जोडू शकतात आणि टाइमझोन सेट करू शकतात. हे अ‍ॅप डेस्कटॉप (विंडोज, मॅकओएस, लिनक्स) आणि अगदी अँड्रॉइड टीव्हीवर देखील वापरले जाऊ शकते.
Arattai App ची ५ सर्वात खास फीचर्स
- ऑनलाईन मीटिंग्ज सपोर्ट: WhatsApp केवळ कॉल आणि ग्रुप चॅट ऑफर करते, परंतु Arattai अ‍ॅप मीटिंग्ज शेड्यूल करण्याची आणि सह-होस्ट जोडण्याची क्षमता प्रदान करते.
- अँड्रॉइड टीव्ही सपोर्ट: युजर्स मोठ्या स्क्रीनवर Arattai अ‍ॅप देखील चालवू शकतात, तर WhatsApp टीव्हीवर अधिकृत सपोर्ट देत नाही.
- लो-एंड डिव्हाइसेसवरील कामगिरी: कंपनीचे म्हणणे आहे की Arattai अ‍ॅप स्लो नेटवर्क आणि बेसिक स्मार्टफोनवरही सहजतेने चालते, तर WhatsApp कधीकधी स्लो नेटवर्कवर संघर्ष करते.
- चॅनेल आणि स्टोरी: WhatsApp मध्ये स्टेटस फीचर्स आहे, परंतु Arattai अ‍ॅप कडे चॅनेल आणि स्टोरीज आहे, जे युजर्सना प्रसारित करण्यास परवानगी देते.
- डेस्कटॉप आणि मल्टी प्लॅटफॉर्म ऍक्सेस: विंडोज, मॅकओएस, लिनक्स आणि डिव्हाइस पेअरिंगसाठी सपोर्ट सोपे आहे. WhatsApp वेब आणि डेस्कटॉप देखील ऑफर करते, परंतु लिनक्स सपोर्ट नाही.