मुंबई : मुख्यमंत्री माझी लाडकी बहीण योजनेच्या लाभार्थी महिलांसाठी आनंदाची बातमी समोर आली आहे. महिला व बालविकास मंत्री अदिती तटकरे यांनी दिलेल्या माहितीनुसार, आता महिलांना ३० एप्रिलपर्यंत त्यांचे e-KYC पूर्ण करता येणार आहे. यामुळे लाखो महिलांना मोठा दिलासा मिळाला असून, त्यांचा हप्ता थांबण्याची भीती आता दूर झाली आहे. मुख्यमंत्री माझी लाडकी बहीण योजनेचा लाभ घेणाऱ्या ज्या महिलांचे आधार लिंकिंग किंवा e-KYC अद्याप प्रलंबित आहे, त्यांच्यासाठी सरकारने मोठा निर्णय घेतला आहे. यापूर्वी ही मुदत ३१ मार्च रोजी संपत होती, मात्र ग्रामीण भागातील तांत्रिक समस्या आणि बँकांमधील गर्दी लक्षात घेता, ही मुदत आता ३० एप्रिल २०२६ पर्यंत वाढवण्यात आली आहे. मंत्री अदिती तटकरे यांनी सोशल मीडियाच्या माध्यमातून माहिती दिली की, “कोणतीही पात्र महिला या योजनेच्या लाभापासून वंचित राहू नये, हा सरकारचा उद्देश आहे. ज्या महिलांचे अर्ज मंजूर झाले आहेत पण तांत्रिक कारणांमुळे e-KYC झालेले नाही, त्यांनी ३० एप्रिलपर्यंत ही प्रक्रिया पूर्ण करून घ्यावी.”
अधिकृत पोर्टलद्वारे E-KYC कसे करावे?
- वेबसाईटला भेट द्या: सर्वात आधी Ladki Bahin Yojana Official Website ला भेट द्या.
- अर्जदार लॉगिन: तुमचा नोंदणीकृत मोबाईल नंबर आणि पासवर्ड टाकून लॉगिन करा.
- E-KYC पर्यायावर क्लिक करा: होम स्क्रीनवर ‘E-KYC’ नावाचा एक बॅनर किंवा पर्याय दिसेल, त्यावर क्लिक करा.
- आधार नंबर: तुमचा १२ अंकी आधार क्रमांक प्रविष्ट करा आणि स्क्रीनवर दिसणारा ‘कॅप्चा’ कोड टाका.
- OTP पडताळणी: तुमच्या आधारशी लिंक असलेल्या मोबाईल नंबरवर एक OTP येईल. तो अचूक भरून ‘Verify’ वर क्लिक करा.
- सबमिट: सर्व माहिती तपासल्यानंतर ‘मी सहमत आहे’ वर टिक करा आणि प्रक्रिया पूर्ण करा.
