मुंबई : पेट्रोल आणि डिझेलच्या किमती या सर्वसामान्यांच्या दैनंदिन आयुष्याशी थेट संबंधित मानल्या जातात. इंधनाचे दर वाढले की वाहतूक खर्चासह भाजीपाला, अन्नधान्य, दूध, गॅस आणि इतर जीवनावश्यक वस्तूंच्या किंमतींवर त्याचा परिणाम दिसून येतो. त्यामुळे देशभरातील नागरिक दररोज सकाळी जाहीर होणाऱ्या इंधन दरांकडे लक्ष ठेवून असतात. अनेकजण महागाईचा अंदाजही पेट्रोल-डिझेलच्या दरांवरून बांधतात. दरम्यान, आज शनिवार, २३ मे २०२६ रोजी सरकारी तेल कंपन्यांनी पेट्रोल आणि डिझेलचे नवे दर जाहीर केले आहेत. इंडियन ऑइल, भारत पेट्रोलियम आणि हिंदुस्थान पेट्रोलियम या कंपन्यांकडून दररोज सकाळी ६ वाजता सुधारित दर अपडेट केले जातात. आंतरराष्ट्रीय बाजारातील कच्च्या तेलाच्या किंमती, डॉलरच्या तुलनेत रुपयाची स्थिती, वाहतूक खर्च आणि स्थानिक कर यांसारख्या घटकांवर इंधन दर अवलंबून असतात. त्यामुळे प्रत्येक शहरात पेट्रोल आणि डिझेलच्या किंमतींमध्ये थोडाफार फरक पाहायला मिळतो.
आज महाराष्ट्रातील विविध शहरांमध्ये पेट्रोल आणि डिझेलचे नवे दर जाहीर करण्यात आले आहेत. मुंबईत पेट्रोल १०७.५९ रुपये तर डिझेल ९४.०८ रुपये प्रति लिटर दराने विकले जात आहे. पुण्यात पेट्रोल १०८.९२ आणि डिझेल ९५.४३ रुपये असून नागपुरात पेट्रोल १०८.१७ व डिझेल ९४.७३ रुपये आहे. छत्रपती संभाजीनगरमध्ये पेट्रोल १११.०३ रुपये दराने सर्वाधिक महाग असून रायगडमध्ये डिझेलचा दर ९८.५१ रुपये इतका नोंदवण्यात आला आहे. नाशिक, कोल्हापूर, सोलापूर, ठाणे, पालघर, सातारा, सांगली आणि इतर शहरांमध्येही इंधन दरांमध्ये किरकोळ बदल दिसून आले आहेत. आंतरराष्ट्रीय बाजारातील कच्च्या तेलाच्या किमतीतील चढ-उतारांनुसार भारतात इंधनाचे दर निश्चित केले जातात. ग्राहकांना त्यांच्या शहरातील दर एसएमएस सुविधेद्वारेही जाणून घेता येतात. इंडियन ऑइल, एचपीसीएल आणि बीपीसीएल कंपन्यांनी त्यासाठी स्वतंत्र एसएमएस सेवा उपलब्ध करून दिली आहे.
