मुंबई : बॉलिवूड अभिनेत्री शिल्पा शेट्टी आता पुन्हा एकदा चर्चेत आली आहे. तिने सोशल मीडियावर केलेल्या पोस्टने सर्वांचे लक्ष वेधून घेतले आहे. शिल्पा शेट्टीने पोस्ट करून ‘बास्टियन वांद्रे’ बंद होणार असल्याची घोषणा केली आहे. “या गुरुवारी मुंबईतील सर्वात प्रतिष्ठित ठिकाणांपैकी एक ‘बास्टियन’ला निरोप देत आहोत. ज्या ठिकाणी असंख्य आठवणी, अविस्मरणीय रात्री आणि शहराच्या नाइट लाइफचे खास क्षण घालवे. या सुंदर जागेचा सन्मान करण्यासाठी आम्ही आमच्या जवळच्या ग्राहकांसाठी खास संध्याकाळी एक कार्यक्रम आयोजित करत आहोत. ही रात्र जुन्या आठवणी आणि जादूने भरलेली असेल. ‘बास्टियन’चा शेवटचा दिवस साजरा करेल. पुढच्या आठवड्यापासून ही परंपरा ‘बास्टियन ॲट द टॉप’मध्ये पुढे चालू राहणार आहे.”
शिल्पा शेट्टीचे ‘बास्टियन’ हे रेस्टॉरंट २०१६ मध्ये सुरू झालं होते. त्यानंतर २०२३ ला ते मुंबईत वांद्रे येथे शिफ्ट झाले. ‘बास्टियन’ रेस्टॉरंट हे खवय्यांसाठी बेस्ट लोकेशन होते. ‘बास्टियन’ रेस्टॉरंट हे त्याच्या आकर्षक इंटिरियरसाठी ओळखले जायचे. शिल्पा शेट्टीने अद्याप रेस्टॉरंट बंद करण्याचे कारण स्पष्ट केले नाही. ‘बास्टियन’ हे शिल्पा शेट्टी आणि रेस्टॉरंटचे मालक रणजीत बिंद्रा यांच्या संयुक्त मालकीचे आहे. ‘बास्टियन’ सीफूडसाठी प्रसिद्ध आहे.
