पुणे : नाशिकमध्ये कुख्यात गुंड आणि गुन्हेगारी स्टाईल रिल्स तयार करणाऱ्यांवर पोलिसांनी कारवाईचा धडाका लावला आहे. नाशिकनंतर आता पुणे पोलीस देखील अॅक्शन मोडमध्ये आहे. दिवाळीच्या पार्श्वभूमीवर पुणे पोलिसांनी शहरतील गुन्हेगारांवर कारवाईला सुरुवात केली आहे. पोलिसांनी १८ सराईत गुन्हेगारांना तडीपार केलं आहे. पोलिसांनी या गुन्हेगारांना पुणे आणि पिंपरी-चिंचवड, ग्रामीणच्या हद्दीतून तडीपार केलं आहे.
दिवाळी सणाच्या पार्श्वभूमीवर पुण्यातून १८ सराईत गुन्हेगारांना तडीपार करण्याचा आदेश परिमंडळ पाचचे पोलिस उपायुक्त डॉ. राजकुमार शिंदे यांनी काढला आहे. परिमंडळ पाचच्या कार्यक्षेत्रात हडपसर, काळेपडळ, वानवडी, बिबवेवाडी, लोणी काळभोर, मुंढवा आणि फुरसुंगी पोलिस ठाण्यांचा समावेश होतो. या पोलिस ठाण्यांच्या हद्दीत मागील काही महिन्यांत २२ सराईत गुन्हेगारांवर एमपीडीए अंतर्गत स्थानबद्ध, महाराष्ट्र संघटित गुन्हेगारी नियंत्रण (मकोका) कायद्यांतर्गत ७८ गुन्हेगारांना अटक करण्यात आलीये. ५० गुन्हेगारांना तडीपार करण्यात आले आहे. गुन्हेगारांवर हातभट्टी दारू विक्री, फसवणूक, सरकारी कामकाजात अडथळा, मारहाण, जबरी चोरी, दरोडा अशा विविध स्वरूपाचे गंभीर गुन्हे दाखल आहेत.
विनायक अधिकराव लावंड (वय ३१), शुभम सुदाम वीरकर (वय २५). हडपसर : रोहन सोमनाथ चिंचकर (वय २७, रा. गाडीतळ), बापू सुरेश मकवाना (वय २१, रा. गोसावी वस्ती). मुंढवा : अनिकेत राजेश शेलार (वय २२), दत्ता गणेश गायकवाड (वय ३६, रा. केशवनगर), दीपक गणेश गायकवाड (वय ३८, रा. केशवनगर). फुरसुंगी : अमोल राजेंद्र तट (वय ४५, रा. पापडे वस्ती, भेकराईनगर), कानिफनाथ शंकर घुले (वय ४९, रा. महम्मदवाडी), प्रमिला सर्विन काळकर (वय ४१). वानवडी : रफीक ऊर्फ टोपी महमूद शेख (वय ५५, रा. कोंढवा), गब्बू ऊर्फ सनी प्रकाश परदेशी (वय ३३, रा. वानवडी गाव). कोंढवा : मौलाना रसूल शेख (वय २२), गणेश तुकाराम घावरे (वय २८). बिबवेवाडी : अविनाश अर्जुन जोगन (वय २७), सारंग बबन गायकवाड (वय ३०). लोणी काळभोर : उमेश निवृत्ती राखपसरे (वय ५०, रा. थेऊर फाटा)