पुणे : राज्यात खून च्या बहुतांश घटना होत आहेत. त्यातुनच १ आईने आपल्याच मुलांचा खून केल्याची घटना समोर आली आहे. जुळ्या मुलांची वाढ नीट न होत असल्याने आईने त्यांच्या घराच्या छतावरील पाण्याचा टाकीत बुडवून मारल्याची धक्कादायक घटना पुणे-सोलापूर रस्त्यावरील थेऊर परिसरात घडली. जुळ्या मुलांना टाकीत बुडवल्यानंतर आईने आत्महतेचा प्रेयत्न देखील केला आहे. जुळ्या मुलांना खून केल्याप्रकरणी लोणी काळभोर पोलिसांनी आईला मंगळवारी उशीरा रात्री अटक केली.
प्रतिभा हेमंतकुमार मोहिते वय ३५ ही आपल्या २ जुळ्या मुलांसोबत काकडे वस्ती, दत्तनगर, थेऊर, पुणे-सोलापूर रस्ता, रा. मिरजवाडी, जि. सांगली येथे राहत होती. तिचे पती सांगलीतील एका बँकेत कामाला आहेत. सध्या ती माहेरी राहत होती. दहा वर्षांपूर्वी त्यांचा हेमंतकुमार यांससोबत विवाह झाला होता. विवाहानंतर दहा वर्ष मोहिते दाम्पत्याना मुलांचा योग येत नव्हता. तेव्हा त्यांनी कृत्रिम गर्भधारण करण्याचा निर्णय घेतला. टेस्टट्यूबद्वारे त्यांनी दोन जुळ्या मुलांना जन्म दिला. मुलं २ महिन्यांची होती. त्यांची वाढ नीट न होत असल्याने प्रतिभा तणावात होती. मंगळवारी सकाळी सुमारे पवणेसातच्या सुमारास ही घटना घडली. प्रतिभा आपल्या २ जुळ्या मुलांना घेऊन घराच्या छतावर गेल्या, आणि त्यांना दोघांना पाण्याच्या टाकीत बुडवले. त्यानंतर स्वतः टाकीत उडी मारून आत्महत्या करण्याचा प्रेयत्न केला.
हे दृश्य त्याच भागातील एका राहिवाशाने पाहिले. त्याने त्वरित या घटनेची माहिती भाऊ प्रल्हाद गोंडे यांना दिली. मुलांसह प्रतिभाला पाण्याचा टाकीतून बाहेर काढण्यात आले. त्यांना उपचारासाठी रुग्णालयात दाखल केले. उपचारांपूर्वीच जुळ्या मुलांचा मृत्यू झाला. या घटनेची माहिती मिळताच पोलिस उपायुक्त डॉ. राजकुमार शिंदे, सहायक आयुक्त अनुराधा उदमले, वरिष्ठ पोलिस निरक्षक राजेंद्र पन्हाळे यांनी घटनास्थळी भेट दिली. रात्री उशिरा जुळ्या मुलांचा खून केल्याप्रकरणी प्रतिभाविरुद्ध गुन्हा दाखल करून तिला अटक करण्यात आली. या घटनेची माहिती मिळाल्यानंतर रात्री उशिरा प्रतिभाचे पती सांगलीहून परतले. जुळ्या मुलांचा पत्नीने खून केल्याचे समजल्यावर पतीला धक्का बसला. पोलिस उपनिरीक्षक रत्नदीप बिराजदार तपास करत आहेत.
