पाकिस्तानविरुद्ध विराट कोहलीचा ऐतिहासिक वर्ल्ड रेकॉर्ड; वनडेत सर्वात जलद १३००० धावा पूर्ण करणारा ठरला जगातील पहिला फलंदाज

वृत्तसंस्था : आशिया कपच्या सुपर-४मध्ये भारत आणि पाकिस्तान यांच्यात लढत सुरू आहे. काल पावसामुळे थांबवण्यात आलेला सामना आज पुन्हा सुरु झाला. भारताला काल रोहित शर्मा आणि शुभमन गिल यांनी दमदार सुरूवात करून दिली होती. शर्मा-गिल जोडीच्या शतकी भागिदारीनंतर केएल राहुल आणि विराट कोहली मैदानावर आले होते.

मॅचच्या दुसऱ्या दिवशी या दोघांनी पहिल्या दिवसाची लय बिघडू दिली नाही. दोघांनी धावांचा वेग कायम ठेवला. राहुल-विराट जोडीने द्विशतकी भागिदारी केली. दरम्यान रन मशिन विराट कोहलीने एक मोठा विक्रम स्वत:च्या नावावर केला. विराटने पाकिस्तानविरुद्ध ९८ धावा करताच आंतरराष्ट्रीय क्रिकेटमधील एका मोठ्या विक्रमाची नोंद केली. पाकिस्तानविरुद्ध ९० धावा करताच विराटच्या वनडे क्रिकेटमधील १३ हजार धावा पूर्ण झाल्या. इतक नाही तर वनडे क्रिकेटच्या इतिहासात सर्वात वेगाने १३ हजार धावांचा टप्पा पार करण्याची कामगिरी विराटने केली. याबाबत विराटने मास्टर ब्लास्टर सचिन तेंडुलकरला मागे टाकले. सचिनने १३ हजार धावा पूर्ण करण्यासाठी ३२१ डाव खेळले होते. तर विराटने हीच कामगिरी फक्त २६७ डावात पार केली.