वसई-नालासोपारा दरम्यान ठवणार भुयारी मेट्रो; जाणून घ्या १७ स्थानके

वसई : मुंबई महानगर प्रदेश विकास प्राधिकरणाने (एमएमआरडीए) भाईंदर ते विरार या मेट्रो १३ मार्गिकेचा सुधारित आराखडा अंतिम मंजुरीसाठी राज्य सरकारकडे सादर केला आहे. या नव्या आराखड्यानुसार वसई ते नालासोपारा दरम्यान ३.२५ किलोमीटर अंतराचा मेट्रो मार्ग भुयारी स्वरूपात विकसित करण्यात येणार आहे. एकूण २४.९० किलोमीटर लांबीच्या या महत्त्वाकांक्षी प्रकल्पामध्ये २१.६५ किलोमीटर उन्नत (एलिव्हेटेड) मार्ग आणि ३.२५ किलोमीटर भूमिगत (अंडरग्राउंड) मार्गाचा समावेश आहे. या मार्गिकेवर एकूण १७ स्थानके प्रस्तावित असून त्यापैकी १४ स्थानके उन्नत तर ३ स्थानके भुयारी असतील. वसई ते नालासोपारा या विभागातील व्हीव्हीएमसी फायर ब्रिगेड, अचोळे गाव आणि नालासोपारा पश्चिम ही तीन स्थानके भूमिगत असणार आहेत. या बदलामुळे दाट लोकवस्तीच्या परिसरात मेट्रो प्रकल्पाची अंमलबजावणी अधिक सुलभ होण्यास मदत होणार आहे.

या प्रकल्पाचे आणखी एक प्रमुख वैशिष्ट्य म्हणजे नायगाव खाडीवर उभारण्यात येणारा दुमजली पूल. या पुलाच्या खालच्या स्तरावर सहा पदरी रस्ता तर वरच्या स्तरावर मेट्रो मार्गिका असणार आहे. त्यामुळे रस्ते आणि सार्वजनिक वाहतूक या दोन्ही सुविधांना एकाच पायाभूत संरचनेतून चालना मिळणार आहे. मेट्रो १३ मार्गिका कार्यान्वित झाल्यानंतर भाईंदर, वसई, नालासोपारा आणि विरार परिसरातील नागरिकांना मोठा दिलासा मिळणार आहे. सध्या या भागातील नागरिकांना रस्त्यांवरील वाढती वाहतूक कोंडी आणि उपनगरीय लोकल रेल्वेतील प्रचंड गर्दीचा सामना करावा लागतो. मेट्रो सुरू झाल्यानंतर प्रवास अधिक जलद, सुरक्षित, आरामदायी आणि वेळेची बचत करणारा ठरणार आहे. तसेच या प्रकल्पामुळे मुंबई महानगर प्रदेशातील सार्वजनिक वाहतूक व्यवस्था अधिक सक्षम होऊन परिसराच्या सर्वांगीण विकासालाही गती मिळण्याची अपेक्षा व्यक्त केली जात आहे.

 मेट्रो १३ मार्गिकेची प्रस्तावित १७ स्थानके:

१. सुभाषचंद्र बोस मैदान (Subhash Chandra Bose Ground) – भाईंदर
२. नायगाव (Naigaon)
३. छत्रपती शिवाजी महाराज चौक (Chhatrapati Shivaji Maharaj Chowk)
४. जुचंद्र (Juchandra)
५. राजवली (Rajvali)
६. गोळणी नाका (Golani Naka)
७. वसई पूर्व (Vasai East)
८. व्हीव्हीएमसी फायर ब्रिगेड स्टेशन (VVMC Fire Brigade Station) (भुयारी)
९. अचोळे गाव (Achole Gaon) (भुयारी)
१०. नालासोपारा पश्चिम (Nalasopara West) (भुयारी)
११. नालासोपारा पूर्व (Nalasopara East)
१२. मोर्या नगर (Morya Nagar)
१३. यशवंत नगर (Yashwant Nagar)
१४. विरार (Virar)
१५. विवा कॉलेज (Viva College)