नवी मुंबई : नवी मुंबई महानगरपालिका क्षेत्रात सरकारी खाजगी भागीदारी तत्वावर २४ ईव्हीसीएस कलस्टर म्हणजेच १४३ चार्जिंग पॉइंट्सपैकी सद्यस्थितीत परिमंडळ १ साठी ४ चार्जिंग स्टेशन क्लस्टर तसेच परिमंडळ २ साठी ४ चार्जिंग स्टेशन क्लस्टर असे एकूण ८ चार्जिंग स्टेशन क्लस्टर म्हणजेच ४८ चार्जिंग पॉईंटस उभारण्यात येत आहेत. जागेच्या उपलब्धतेप्रमाणे नियुक्त एजन्सीला ईव्हीसीएस उभारण्याकरिता जागा उपलब्ध करुन देण्यात येणार आहे. त्यामुळे इलेक्ट्रीक वाहनांसाठी पहिल्या टप्प्यातील सुविधा उपलब्ध होणार आहे.
इलेक्ट्रीक वाहनांच्या वापराला चालना देऊन हवेचे प्रदूषण रोखणे, ध्वनी प्रदूषण कमी करणे, ऊर्जा बचत व ग्रीन हाऊस गॅसचा प्रभाव कमी करुन पर्यावरण संतुलनाकरिता इलेक्ट्रीक वाहने २०३० पर्यंत किमान ३०% असावीत या केंद्र शासनाच्या धोरणान्वये उद्दिष्टपूर्तीकडे लक्ष दिले जात आहे. या अनुषंगाने इलेक्ट्रीक वाहनांकरिता पुरेशा प्रमाणात चार्जोंग स्टेशन्स उपलब्ध करून देण्याकडे आयुक्त डॉ. कैलास शिंदे यांच्या मार्गदर्शनाखाली विशेष लक्ष दिले जात आहे. अशाप्रकारे पर्यावरणपूरक दृष्टिकोन जपत नवी मुंबई महानगरपालिकेच्या वतीने इलेट्रिक वाहनांची वाढती संख्या लक्षात घेऊन नागरिकांच्या सोयीसाठी पहिल्या टण्यात दोन्ही परिमंडळ क्षेत्रात प्रत्येकी ४ अशी एकूण ८ इलेक्ट्रक वाहन सार्वजनिक चार्जीग स्टेशन उभारण्यात येत असून ही बाब नवी मुंबईची ओळख पर्यावरणशील शहर म्हणून होईल.