डोंबिवलीत १० तोळे सोन्याचे दागिने गृहसेविकेने चोरलेले हस्तगत

घरी परतल्यावर आस्था पाटील यांना घराचे दरवाजे, खिडक्यांची मोडतोड झालेली नाही. तरी घरातील दागिने चोरीला गेलेच कसे, असा प्रश्न पडला होता. त्यांनी घरकाम करणाऱ्या गृहसेविकेवर संशय व्यक्त करून विष्णुनगर पोलीस ठाण्यात गंगुबाई उर्फ गिता लक्ष्मण दळवी या मोठागाव मध्ये राहणाऱ्या गृहसेविके विरूध्द तक्रार केली होती. कल्याण गुन्हे शाखेच्या पोलिसांनी या गुन्ह्याचा समांतर तपास सुरू केला होता. आस्था यांच्या घर परिसरातील सीसीटीव्ही चित्रण तपासल्यावर गुन्हे शाखेचे हवालदार गुरूनाथ जरग, विश्वास माने यांना आस्था यांच्या घराच्या संरक्षित भिंतीवरून एक महिला त्यांच्या घरात आल्याचे दिसले. पोलिसांनी सीसीटीव्हीत दिसणाऱ्या महिलेची माहिती जमा केली. आस्था यांना हे चित्रण दाखवले. त्यांनी ही महिला आपल्या घरात नेहमी येणारी गंगुबाई असल्याचे सांगितले. पोलिसांनी गंगुबाईला चौकशीसाठी बोलावले. त्यांनी चोरीचा आरोप मान्य करण्यास नकार दिला. पोलिसांनी कसून चौकशी केल्यावर गंगुबाईने आस्था यांच्या घरात चोरी केल्याची कबुली दिली. पोलिसांनी गुंंगबाईला अटक केली आहे.