मुंबई : गेल्या २० वर्षांत न झालेली गोष्ट यंदाच्या मुंबई महानगर पालिका निवडणुकांमध्ये पाहायला मिळणार आहे. कारण २००६ पासून शिवसेनेपासून वेगळे निघालेले राज ठाकरे व त्यांनी नंतर स्थापन केलेल्या महाराष्ट्र नवनिर्माण सेनेची त्यांचा मूळ पक्ष असलेल्या उद्धव ठाकरेंच्या शिवसेनेशी युती झाली आहे. या दोघांनी संयुक्त पत्रकार परिषदेमध्ये यासंदर्भातली औपचारिक घोषणा नुकतीच केली. त्यानंतर आता उमेदवारांच्या घोषणांकडे राजकीय वर्तुळाचं लक्ष लागलं असून ठाकरेंच्या युतीची पहिली उमेदवार यादी जाहीर झाली आहे. पहिल्या यादीमध्ये उद्धव ठाकरेंच्या शिवसेनेच्या उमेदवारांचा समावेश आहे. या उमेदवारांना आता एबी फॉर्म देण्याची प्रक्रिया सुरू करण्यात आली आहे. उमेदवारी अर्ज दाखल करण्यासाठी आता थोडाच अवधी शिल्लक असून त्याआधी सर्वच पक्षांकडून आता उमेदवारांच्या याद्या जाहीर केल्या जात आहेत. त्यामुळे येत्या दोन दिवसांत कोण कुणाबरोबर आणि नेमक्या किती जागा लढवत आहे, याचं चित्र स्पष्ट होऊ शकेल.
उद्धव ठाकरेंच्या उमेदवारांची यादी
| क्रमांक | वॉर्ड | उमेदवार |
| १ | ५४ | अंकिता प्रभू |
| २ | ५९ | शैलेश फणसे |
| ३ | ६० | मेघना काकडे-माने |
| ४ | ६१ | सेजल सावंत |
| ५ | ६२ | झीशान मुलतानी |
| ६ | ६३ | देवेंद्र (बाळा) आंबेरकर |
| ७ | ६४ | सबा खान |
| ८ | ४० | सुहास वाडकर |
| ९ | २०६ | सचिन पडवळ |
| १० | ९३ | रोहिणी गांबळे |
| ११ | १०० | साधना वरस्कर |
| १२ | १५६ | संजना कासले |
| १३ | १६४ | साईनाथ कटके |
| १४ | १६८ | सुधीर खातू |
| १५ | १२४ | सकीना शेख |
| १६ | १२७ | स्वरूपा पाटील |
| १७ | ८९ | गितेश राऊत |
| १८ | १४१ | विठ्ठल लोकरे |
| १९ | १४२ | सुनंदा लोकरे |
| २० | १३७ | महादेव आंबेकर |
| २१ | १३८ | अर्जुन शिंदे |
| २२ | १६७ | सुवर्णा मोरे |
| २३ | १५० | सुप्रदा फातर्फेकर |
| २४ | ९५ | चंद्रशेखर वायंगणकर |
| २५ | २१५ | किरण बालसराफ |
| २६ | २१८ | गीता अहिरेकर |
| २७ | २२२ | संपत ठाकूर |
| २८ | २२५ | अजिंक्य धात्रक |
गेल्या पाच वर्षांपासून पुढे ढकलल्या जाणाऱ्या मुंबई महानगर पालिका निवडणुका अखेर पुढच्या महिन्यात होऊ घातल्या आहेत. आता पुढच्या महिन्यात १५ जानेवारी रोजी मुंबईसह राज्यभरातल्या २९ महानगर पालिकांसाठी मतदान पार पडणार असून १६ जानेवारी रोजी मतमोजणी होऊन निकाल जाहीर केले जाणार आहेत.
